பைங்கன் பர்தா

பைங்கன்  பர்தா   ரொம்ப பேருக்குப் பிடிக்கும் ,ஆனால் அதை எப்படி செய்வது என்றுத் தெரியாது. இதோ  அதை எப்படி செய்வது...

ஒரு பெரிய கத்தரிக்காய்  [ 250  கிராம்  ]

இஞ்சி பூண்டு விழுது  2  ஸ்பூன் 

 வெங்காயம் மீடியம் ஒன்று 

   தக்காளி  மீடியம் ஒன்று

   தனியா    பொடி  1  ஸ்பூன் 

   மிளகாய் பொடி    2  ஸ்பூன்

 உப்பு தேவையான அளவு ,

எண்ணெய்   3   டேபிள் ஸ்பூன் 

 கத்தரிக்காயை எண்ணெய் தடவி காஸ் அடுப்பில் சுடவும் , எல்லாப் பக்கமும் சுடும் வரை திருப்பிப் போட்டு சுடவும். 

சுட்டதும் , ஆறவைக்கவும்.

வெங்காயம் , தக்காளி  பொடிப் பொடியாக நறுக்கவும்  .

வாணலியில் எண்ணெய் விட்டு, வெங்காயத்தைப் போட்டு வதக்கவும்.

வெங்காயம் வதங்கியதும் , இஞ்சி பூண்டு விழுது சேர்த்து , கலக்கவும்.

பிறகு நறுக்கிய தக்காளியைச் சேர்த்து சுருள வதக்கவும்.

ஆறின கத்தரிக்காயை தோலை உரித்து நன்றாக பிசைந்து , வதக்கிய  தக்காளி வெங்காயத்துடன் சேர்க்கவும்.

பிறகு தனியா பொடி, மிளகாய் பொடி , உப்பு போட்டு ஐந்து நிமிடம் வதக்கியவுடன்  இறக்கவும்.

 வேண்டுமானால் பச்சைப் பட்டாணி சேர்க்கலாம்.